Golchi Ceir yng Ngorsaf Llanandras i Godi Arian

Yn ystod y dydd, golchodd y criw gyfanswm o 110 o geir, gan godi'r swm gwych o £1,340. Bydd y swm hwn yn cael ei rannu rhwng Elusen y Diffoddwyr Tân, Apêl Daeargryn Twrci-Syria, a Chronfa Draig Gwsg Llanandras.

Mae Gwasanaeth Tân ac Achub Canolbarth a Gorllewin Cymru yn aml yn gweithio'n agos gydag Elusen y Diffoddwyr Tân, sy'n cynnig gwybodaeth, cyngor a chymorth hygyrch a grymusol i holl aelodau presennol ac ymddeoledig gwasanaethau tân y DU. Mae Apêl Daeargryn Twrci-Syria yn atseinio gyda Gwasanaeth Tân ac Achub Canolbarth a Gorllewin Cymru am fod dau aelod o dîm gweithredol y Gwasanaeth, sef Pennaeth Ymateb Rhanbarth y De, Steve Davies, a'r Rheolwr Gwylfa, Phil Irving wedi dychwelyd yn ddiweddar ar ôl cael eu lleoli yn ardal yr argyfwng. Nod Cronfa Draig Gwsg Llanandras yw adfer ac ailosod tirnod lleol, sef cerflun o ddraig sy'n coffáu'r 35,000 o filwyr o Gymru a fu farw yn ystod y Rhyfel Byd Cyntaf.

Mae'r criw yn ddiolchgar iawn i Radnor Hills am ei rodd ar ffurf nawdd, ac i bawb a gefnogodd y diwrnod golchi ceir.