- Cwcis sydd wir eu hangen
Cwcis sydd wir eu hangen
Mae rhai o’n cwcis yn hanfodol ac ni fydd rhannau o’r safle’n gweithio hebddynt. Mae hyn yn cynnwys cofnodi eich dewisiadau cadw cwcis.
25 Ebr 2019
Mae Trafnidiaeth Cymru wrthi’n paratoi ar gyfer gwasanaethau newydd bob awr yn cysylltu gogledd Cymru a Swydd Gaer â Lerpwl, a fydd yn dechrau fis nesaf.
O 19eg Mai, bydd Trafnidiaeth Cymru’n dechrau ei wasanaethau newydd ar hyd y llwybr, sydd wedi cael ei ddisgrifio fel “hwb economaidd sylweddol” i’r rhanbarth.
Mae cyfanswm o 215 o wasanaethau yr wythnos wedi’u creu.
Bydd gwasanaethau’n rhedeg bob awr o Gaer, gan alw yn Helsby, Frodsham, Runcorn, Parcffordd De Lerpwl (ar gyfer Maes Awyr John Lennon) a Lerpwl Lime Street.
Hefyd, bydd dau wasanaeth uniongyrchol y dydd o Wrecsam Cyffredinol ac yn uniongyrchol o Lerpwl i Wrecsam.
Mae’r prisiau ar gyfer y gwasanaethu newydd ym mis Mai bellach mewn systemau manwerthu a dyma enghreifftiau o’r prisiau:
• Wrecsam Cyffredinol i Lerpwl Lime Street Tocyn Diwrnod Dwyffordd Unrhyw Bryd £11.50
• Caer a Helsby i Lerpwl Lime Street Tocyn Diwrnod Dwyffordd Unrhyw Bryd £7.50
• Frodsham i Lerpwl Lime Street Tocyn Diwrnod Dwyffordd Unrhyw Bryd £7
Gellir prynu tocynnau yma
Dywedodd James Price, Prif Weithredwr Trafnidiaeth Cymru:
“Mae Trafnidiaeth Cymru yn buddsoddi £5 biliwn i drawsnewid y sector trafnidiaeth ledled rhwydwaith Cymru a’r Gororau ac rydym yn hynod gyffrous i weld gwasanaethau newydd yn cael eu cyflwyno yn cysylltu gogledd Cymru a Swydd Gaer gyda Lerpwl.
“Mi fydd yn hwb economaidd sylweddol i’r ardal ac mae’r ffaith bod Trafnidiaeth Cymru yn darparu 215 o wasanaethau newydd sbon yr wythnos wir yn ategu ein hymrwymiad i adeiladu rhwydwaith trafnidiaeth well i bawb.
“Gwelwyd llawer o waith caled, ymroddiad a buddsoddi yn y prosiect hwn gan gymaint o unigolion ac asiantaethau, sy’n dangos beth sy’n gyraeddadwy gan gydweithio.
“Rydym yn nesáu at ein chwe mis cyntaf yn Trafnidiaeth Cymru ac mae hyn yn garreg filltir bwysig arall wrth i ni barhau i drosgludo ein gwelediad.”
Mae’r gwasanaethau newydd yn cael eu cyflwyno ar hyd Halton Curve, sy’n 1.5 milltir o hyd, fel rhan o Brosiect Great North Rail gan Network Rail yn cynnwys uwchraddio helaeth ar draciau a signalau sy’n golygu y gall y rheilffordd weithredu gwasanaeth newydd bob awr, yn y naill gyfeiriad a’r llall, rhwng Lerpwl a Chaer/Wrecsam.
Mae’r prosiect yn dilyn degawdau o waith caled gan ymgyrchwyr lleol a gwaith a buddsoddiad sylweddol gan yr Adran Drafnidiaeth (DfT), Llywodraeth Cymru, Dinas Ranbarth Lerpwl, Merseytravel a Network Rail.
Daeth gwasanaethau ar y llinell fwy neu lai i ben yn llwyr ym mis Mai 1975, er i’r llwybr gael ei gadw’n agored gyda gwasanaeth llywodraethol achlysurol yn ystod yr haf yn unig o Gaer i Runcorn.
(Frodsham yn Swydd Gaer yw un o’r cymunedau a fydd yn cael budd o’r gwasanaethau newydd)
(Mae Helsby hefyd yn mynd i weld cynnydd sylweddol mewn gwasanaethau o fis Mai ymlaen)
Dywedodd Steve Rotheram, Maer Metro Awdurdod Cyfun Dinas Ranbarth Lerpwl: “Un o nodau allweddol yr Awdurdod Cyfun yw blaenoriaethau i ddarparu gwelliannau sylweddol o ran cysylltedd ar gyfer ein hardal.
“Mae Halton Curve yn un o lawer o gynlluniau rheilffordd uchelgeisiol ar draws Dinas Ranbarth Lerpwl sydd wedi cael eu cyflawni gan yr Awdurdod Cyfun, drwy weithio mewn partneriaeth â nifer o sefydliadau.
“Diolch i hyn, mae trenau bellach yn rhedeg yn amlach rhwng Lerpwl a Chaer ynghyd â’r gwasanaethau uniongyrchol cyntaf rhwng y ddinas a Wrecsam ers 1975.
“Gyda chynlluniau i’r dyfodol i ymestyn ymhellach i Ogledd Cymru a dyhead am wasanaethau uniongyrchol rhwng Lerpwl a Chaerdydd, dim ond dechrau yw hyn o ran gwireddu’r manteision posibl y bydd ail-agor Halton Curve yn ei ddwyn yn ei sgil.”
Dywedodd Marcus Barnes, uwch noddwr yn Network Rail: “Darn gweddol fychan o drac yn Frodsham yw’r Halton Curve, ond mae’n datgloi cyfoeth o gyfleoedd hamdden a busnes ar gyfer Dinas Ranbarth Lerpwl, ei maes awyr a Gogledd Cymru.
“Cafodd yr uwchraddio a wnaed gennym i’r traciau a’r signalau, er mwyn galluogi trenau i redeg i’r ddau gyfeiriad ar y rheilffordd, eu cwblhau ym mis Mai y llynedd. Mae’n hynod gyffrous y bydd Halton Curve yn cyrraedd ei botensial llawn gyda’r gwasanaethau rhwng Lerpwl a Chaer, gyda rhai gwasanaethau’n mynd ymlaen i Wrecsam.
“Dyma enghraifft wych arall o Brosiect Great North Rail ar waith.”
Dywedodd Marina Fareyo Bartneriaeth Rheilffyrdd Cymunedol Gogledd Swydd Gaer: “Mae dechreuad gwasanaethau trwy Halton Curve yn ddigwyddiad arwyddocaol i’n hardal. Bydd yn agor cyfleoedd i’n cymunedau lleol a chyfrannu at ddatblygiad cymdeithasol ac economaidd yn Swydd Gaer a Glannau Mersi.”