Cymru’n anfon cyflenwadau meddygol i Wcráin
Wales sends medical supplies to support Ukraine
Mae’r llwyth cyntaf o gyflenwadau meddygol, sy’n cynnwys peiriannau anadlu, rhwymynnau a masgiau wyneb, yn cael eu hanfon o Gymru hediw i gefnogi pobl Wcráin.
Cychwynnodd y cyflenwadau meddygol ar eu taith o Gymru y bore yma a byddant yn cael eu cludo mewn awyren i Wlad Pwyl, ac yna ymlaen i Wcráin.
Dywedodd y Prif Weinidog Mark Drakeford: "Mae Cymru'n sefyll yn gadarn gydag Wcráin a'i phobl.
"Mae’r cysylltiadau rhwng Cymru ac Wcráin yn rhai hir a dwfn ac rydym yn barod i gynnig unrhyw gymorth ymarferol a dyngarol a allwn.
Y ffordd orau i bobl Cymru gefnogi Wcráin yw rhoi arian i'r Pwyllgor Argyfwng Trychinebau, fel y gall cyflenwadau gael eu prynu mor agos ag sy’n bosibl i’r mannau sydd eu hangen.
"Fodd bynnag, rydym wedi bod yn gweithio gyda phartneriaid i ganfod pa gyflenwadau meddygol sydd eu hangen ar frys. Mae gennym ragor y gyflenwadau meddygol yn barod i fynd i Wcráin. Os gallwn ni helpu pobl Wcráin mewn unrhyw ffordd, fe wnawn ni hynny.”
Mae Llywodraeth Cymru eisoes wedi darparu £4 miliwn i'r Pwyllgor Argyfwng Trychinebau i ddarparu cymorth lle mae ei angen fwyaf yn Wcráin.
Nodiadau i olygyddion
- The need for these supplies is based on information received from the Ukrainian Government, WHO or international aid partners.
- Today’s shipment contained 17 pallets:
- 14 pallets of FFP3 medical grade facemasks;
- 2 pallets of bandages
- 1 pallet of ventilators.
- We have more supplies available at the warehouse on standby in case of more requests for medical supplies.