Newidiadau i gasgliadau gwastraff dros gyfnod y Pasg

Bydd newidiadau i gasgliadau biniau dros gyfnod y Pasg eleni.

• Dydd Gwener y Groglith - (18 Ebrill): Bydd casgliadau’n digwydd ddydd Sadwrn, 19 Ebrill.
• Dydd Llun y Pasg (21 Ebrill): Bydd pob casgliad yn digwydd ddiwrnod yn hwyr fel y dangosir isod:

Rhowch eich sbwriel mas erbyn 6am ar y diwrnod casglu diwygiedig. Bydd casgliadau gwastraff hylendid a gwastraff gardd hefyd yn dilyn yr amserlen ddiwygiedig. Ailgylchwch gymaint â phosibl a chofiwch dim mwy na thri bag du.

Er mwyn helpu i sicrhau bod casgliadau'n rhedeg yn esmwyth dros gyfnod y Pasg, mae gweithwyr ychwanegol wedi'u penodi yn dilyn ymgyrch recriwtio ddiweddar.

Dywedodd y Cynghorydd Edward Thomas, yr Aelod Cabinet dros Wasanaethau Trafnidiaeth, Gwastraff a Seilwaith:

Rydym wedi ymrwymo i ddarparu gwasanaeth casglu gwastraff dibynadwy i breswylwyr, yn enwedig yn ystod cyfnodau prysur fel y Pasg. Mae’n bwysig hefyd diolch yn fawr i'r staff sydd wedi cytuno i weithio dros y penwythnos i ddarparu'r gwasanaeth. Er mwyn cefnogi hyn, rydym wedi recriwtio staff ychwanegol yn ddiweddar i helpu i gynnal lefelau’r gwasanaeth a tharfu cyn lleied â phosibl ar y gwasanaeth.

Os oes gennych chi neu rywun rydych chi'n ei adnabod ddiddordeb mewn ymuno â'n tîm, rydym bob amser yn chwilio am unigolion ymroddedig i helpu i gadw ein cymunedau’n lân ac yn gynaliadwy.

Er ein bod yn anelu at gasglu yn ôl yr amserlen, efallai y bydd tarfu lleol a allai newid ar fyr rybudd. Cadwch lygad ar ein tudalen tarfu ar gasgliadau gwastraff  i weld unrhyw ddiweddariadau.

Bydd y canolfannau ailgylchu yn Nhrostre, Nantycaws, Wernddu, a Hendy-gwyn ar Daf ar agor fel arfer dros benwythnos y Pasg. Gallwch wirio eu horiau agor yma.

Diolch yn fawr am ailgylchu.