- Cwcis sydd wir eu hangen
Cwcis sydd wir eu hangen
Mae rhai o’n cwcis yn hanfodol ac ni fydd rhannau o’r safle’n gweithio hebddynt. Mae hyn yn cynnwys cofnodi eich dewisiadau cadw cwcis.
08 Hyd 2024
Mae Techniquest wedi trawsnewid ei ardal chwarae rôl mewn i ardal ryngweithiol wych wedi’i ddylunio i blant dan 7, diolch i gefnogaeth hael Trafnidiaeth Cymru (TFW), Siemens Mobility a Balfour Beatty.
Rho het galed felyn ar dy ben, gwisga siaced high-vis bach, a pharatoi i chwarae! Mae’r Parth Chwarae Metro Bach yn le gall dychmygion rhedeg yn rhydd, wrth i blant arlwyo ar gyfer ‘cwsmeriaid’ mewn caffi safle bach, chwarae fod yn arwyddwr rheilffyrdd sy’n cadw’r traciau’n glir, eistedd mewn sedd arweinydd trên, adeiladu waliau gyda briciau, a chwarae gyda modelau trenau bychan.
Wedi’i leoli ar lawr cyntaf Techniquest ym Mae Caerdydd, agorodd y Parth Chwarae Metro Bach heddiw (Dydd Mawrth 8 Hydref 2024) gan Brif Weithredwr Techniquest Sue Wardle; Cyfarwyddwr Isadeiledd Rheilffordd TFW Karl Gilmore DL; Jason Ellis o Siemens Mobility; ac Alasdair MacDonald o Balfour Beatty.
Dywedodd Sue Wardle: “Rydym ni mor ddiolchgar i gael y cyfle i weithio gyda phartneriaid arbennig i greu ardal newydd ar gyfer ein hymwelwyr mwyaf ifanc. Fel elusen, mae cydweithio gyda chefnogwyr fel Trafnidiaeth Cymru, Siemens Mobility a Balfour Beatty yn hanfodol i’n llwyddiant ac nid bydd y trawsnewidiad yn bosibl heb eu rhodd a’u cyngor technolegol, yn gweithio ochr yn ochr gyda’n tîm talentog.
“Mae’n bleser i weld sut mae teuluoedd yn ymgymryd â’r ardaloedd gwahanol o’r Parth Chwarae Metro Bach — o wisgo’r het galed a’r siacedi high-vis i eistedd mewn sedd arweinydd trên! Rydw i wrth fy modd bod yr ardal nawr wedi’i agor yn swyddogol, mewn digon o amser i groesawu ymwelwyr yn ystod gwyliau ysgol mis Hydref.”
Dechreuodd y prosiect pan sylweddolodd aelod o Fwrdd Techniquest — a oedd yn gweithio i Drafnidiaeth Cymru — y synergedd a oedd yn bodoli ar gyfer y ddau sefydliad o ran ymgysylltu â phlant o oedran ifanc: yn hybu nhw i gyrraedd eu potensial llawn ac i ddarganfod rhai o’r cyfleoedd sy’n bodoli yn y byd gwaith iddyn nhw.
Dywedodd Cyfarwyddwr Isadeiledd Rheilffordd TrC Karl Gilmore: “Rydym ni’n benderfynol i fod un o’r cyflogwyr mwyaf cynhwysol yng Nghymru, ac yn ymroddedig i dorri lawr unrhyw rhwystron yn y diwydiant rheilffyrdd fel gall pawb sy’n dyheu am rôl fel arweinydd trên neu beiriannydd derbyn y cyfle i gyrraedd ei amcan.
“Mae cyflwyno’r cyfleoedd yma trwy chwarae a hwyl o oedran ifanc yn ffordd wych i gynhyrchu cyffro yn y genhedlaeth nesaf am STEM, y diwydiant adeiladu a’r manteision cludiant cyhoeddus.”
Mae Techniquest ar agor o 9am i 6pm, saith diwrnod o’r wythnos trwy wyliau ysgol mis Hydref, ac mae tocynnau cyffredinol ar gael ar y wefan: techniquest.org.
Nodiadau i olygyddion
Am unrhyw ymholiadau wasg, cysylltwch â: press@techniquest.org
Techniquest
Techniquest yw canolfan darganfod gwyddoniaeth mwyaf Cymru wedi’i leoli yng nghalon Bae Caerdydd. Mae’n darparu profiadau STEM (Gwyddoniaeth, Technoleg, Peirianneg a Mathemateg) am bob oedran a gallu, a llwyfan i addysgu, diddanu a sicrhau bod gwyddoniaeth ar gael i bawb ar draws Cymru.
Trafnidiaeth Cymru
Mae Trafnidiaeth Cymru yn cynnig gweledigaeth Llywodraeth Cymru o rwydwaith cludiant sy’n ddiogel, fforddiadwy, hygyrch ac o ansawdd uchel gall Cymru teimlo’n falch am.
Siemens Mobility
Mae Siemens Mobility yn gwmni sydd ar wahân i Siemens AG. Fel arweinwyr mewn datrysiadau cludiant deallus am fwy na 175 mlynedd, mae Siemens Mobility wastad yn adnewyddu ei bortffolio. Mae ei brif feysydd yn cynnwys cerbydau, awtomeiddio’r rheilffyrdd a thrydaniad, portffolio meddalwedd cynhwysol, systemau gosodedig yn ogystal â gwasanaethau cysylltiedig. Gydag adnoddau a datrysiadau digidol, mae Siemens Mobility yn galluogi gweithredwyr symudoldeb ar draws y byd i greu isadeiledd deallus, cynyddu gwerth mewn ffordd gynaliadwy dros y cylchred bywyd, gwella profiad ei deithwyr a gwaranti argaeledd. Yn y flwyddyn gyllidol 2023, a wnaeth gorffen ar 30 Medi, 2023, wnaeth Siemens Mobility cyhoeddi cyllid o €10.5 biliwn a chyflogodd tua 39,800 o bobl ar draws y byd. Darganfyddwch ragor o wybodaeth: www.siemens.com/mobility
Balfour Beatty
Am ragor o wybodaeth: https://www.balfourbeatty.com/