Sir Gaerfyrddin yn Dathlu Rhagoriaeth Twristiaeth yn Neuadd y Sir

Roedd yn bleser gan Gyngor Sir Caerfyrddin anrhydeddu enillwyr Gwobrau Twristiaeth Sir Gaerfyrddin mewn dathliad arbennig a gynhaliwyd yn Neuadd y Sir heddiw.

Roedd y digwyddiad, a fynychwyd gan yr Aelod Cabinet dros Adfywio, Twristiaeth a Hamdden, y Cynghorydd Hazel Evans, a'r Cadeirydd, y Cynghorydd Handel Davies, yn cydnabod llwyddiannau eithriadol busnesau twristiaeth lleol.

Dathlwyd llwyddiant y busnesau canlynol am eu rhagoriaeth mewn twristiaeth a lletygarwch:

• Parc Gwledig Pen-bre - Y Ddarpariaeth Carafanau, Gwersylla neu Wârsylla Orau
• Amgueddfa Cyflymder Tir - Yr Atyniad Gorau
• Plas Glangwili - Y Gwely a Brecwast, y Dafarn a'r Gwesty Gorau
• Gwesty Plough Rhos-maen - Y gwesty Gorau, y Lle Gorau i Fwyta
• Canolfan Adar Ysglyfaethus Prydain - Y Gweithgaredd, y Profiad neu'r Daith Orau
• Cambrian Cottage - Y Ddarpariaeth Hunanarlwyo Orau
• Bro a Byd - Mynd yr ail filltir
• Gŵyl Lenyddol Dinefwr - Y Digwyddiad Gorau
• Strangwrach Holiday Cottage - Y Ddarpariaeth Twristiaeth Hygyrchedd a Chynhwysol
• Basel Cottage - Y Llety Gorau sy'n Croesawu Cŵn

Yn dilyn eu llwyddiant yn y Gwobrau Twristiaeth Rhanbarthol, bydd pum busnes o Sir Gaerfyrddin yn mynd ymlaen i gynrychioli rhanbarth De Orllewin Cymru yng Ngwobrau Twristiaeth Cenedlaethol mawreddog Croeso Cymru, a gynhelir yn Venue Cymru yn Llandudno ar 27 Mawrth. Y busnesau fydd yn mynd ymlaen i’r llwyfan cenedlaethol yw:

• Parc Gwledig Pen-bre
• Plas Glangwili
• Gwesty'r Plough
• Cambrian Cottage
• Strangwrach Holiday Cottage

Canmolodd y Cynghorydd Hazel Evans, Aelod Cabinet dros Adfywio, Hamdden, Diwylliant a Thwristiaeth, yr enillwyr a’u cyfraniadau i’r economi leol:

“Mae gan dwristiaeth rôl hanfodol o ran economi a chymunedau Sir Gâr. Mae'r gwobrau hyn yn cydnabod ymroddiad a gwaith caled y busnesau sy'n gweithio yn y diwydiant twristiaeth. Rydym yn falch o'r llwyddiannau hyn a'r effaith gadarnhaol y mae twristiaeth yn ei chael ar ein sir. Pob lwc i’r pum busnes sydd wedi mynd drwodd i Wobrau Twristiaeth Cenedlaethol Croeso Cymru.”

Mae Cyngor Sir Caerfyrddin yn estyn ei longyfarchiadau i’r holl enillwyr ac yn dymuno pob lwc i’r rhai sy’n cystadlu ar lefel genedlaethol.